Sementsverksmidjan

Sement

- framleiðsluvörur verksmiðjunnar -

Sementverksmiðjan hf. framleiðir og hefur stöðugt á boðstólum þrjár tegundir sements í 40 kg sekkjum, stórsekkjum (1.000 og 1.500 kg) og ósekkjað, þ. e. laust til flutninga með tankbílum: Portlandsement, Kraftsement og Hraðsement. Auk þess býður verksmiðjan upp á tvær tegundir possólansements, sem kenndar eru við þær vatnsaflsvirkjanir sem þær voru þróaðar fyrir, Sigöldusement og Blöndusement. Þessar tegundir eru aðeins framleiddar eftir pöntunum í miklu magni.

Allt sement verksmiðjunnar uppfyllir kröfur byggingarreglugerðar og nýlegs Evrópustaðals, ÍST EN 197-1:2000. Staðlinum fylgir bæði heimild og skylda til að nota CE-merkið, sem aftur á móti er háð vottun með stöðugu, óháðu gæðaefirliti Rannsóknastofnunar byggingariðnaðarins (Rb). Íslenska sementi hefur verið undir slíku óháðu eftirliti Rb áratugum saman. Hjá Rb hafa ennfremur farið fram áratugum saman víðtækar rannsóknir á eiginleikum steypu úr sementi frá verksmiðjunni með fjölmörgum gerðum íslenskra fylliefna.

Vörulýsingar eða tækniupplýsingablöð fyrir Portlandsement, Kraftsement og Hraðsement er að finna hér til hliðar undir "Tækniupplýsingar".

Fyrir allar ofangreindar tegundir sements er hins vegar að finna tækniupplýsingar á ensku undir "ENGLISH WEB" hér á vefsíðunum.