Beint í efni

Innflutningur frá Noregi

Sement flutt til landsins

Sementsverksmiðjan fær sement frá norska framleiðandanum Norcem og kemur sementið laust úr skipum sem er síðan dælt upp í sementsgeyma. Sementsgeymarnir eru á Akranesi og á Akureyri.

Mikið er lagt upp úr gæðamálum og að allt sement uppfylli þær gæðakröfur sem lofað er. Þess vegna er virkt eftirlit með öllu innfluttu sementi samkvæmt sementsstaðlinum EN 197-2:2000.

Niðurdæling kolefnis við sementsframleiðslu

Föngun og niðurdæling

Norcem, sementsbirgi Sementsverksmiðjunnar, hefur ráðist í eitt stærsta föngunar- og niðurdælingarverkefni í Norður-Evrópu, sem unnið er í samstarfi við norsk stjórnvöld. Gert er ráð fyrir að fanga um helming losunar frá sementsverksmiðju félagsins að lágmarki og dæla niður í fullnýttar olíulindir í Norðursjó.

Með niðurdælingunni lækkar kolefnisspor sements frá Norcem verulega þegar verkefnið verður komið í gagnið árið 2023 og í kjölfarið er stefnan tekin á kolefnishlutlausa sementsframleiðslu.

Sementverksmiðjan

Geymsla og afhending

Sementið er geymt í sérútbúnum tönkum og geta viðskiptavinir valið um mismunandi afhendingarfyrirkomulag. Hægt er að fá sement afhent í lausu í miklu magni og sér verktaki um að dreifa sementinu á afhendingarstað. Þá er hægt að fá sement í stórsekkjum sem taka allt að 1,5 tonn eða sekkjað sement í heilum brettum.

Einnig er hægt að kaupa 20 kg sementspoka hjá endursöluaðilum um allt land. Allar sementstegundur, nema Anleggsement sem er pakkað í 20 kg sekki, er hægt að afhenda í lausu eða í stórsekkjum.